Twins

今晚同陳娜睇《連環不幸事件》，套戲做得好靚，其中仲有好多好多好多畫面有我的好朋友青蛙鹽蛇蜥蝪仔，真係唔話得！本片片尾動畫好靚好好睇，其實可以獨立成片，因為咁，我地就特別有心機睇credits，先知道飾演Sunny的BB竟然有兩個！決定快ｄ返去查一查佢地。

返屋企同穎穎分享左一輪古巨基同佢簽名合照的興奮，突然醒起呢兩個衰妹。上網check左一輪，原來真係孖女黎架，家姐叫Shelby Hoffman，細妹叫Kara Hoffman，相差一分鐘出世。起初因為套戲有Dustin Hoffman做串星，仲懶興奮以為佢地有乜關係，但最終都查唔出。



呢對咁得意的筷子姊妹花，雖然一齊出世，但就性格各異。導演話其中一個特別唔鍾意做野，所以佢地的戲份係9:1，至於邊個咁懶唔開工，導演就唔肯講啦。

互聯網check乜有乜，真係偉大！