這可不是普通的麵包，是我、Lamb和Yo在豬料館工作時常買常吃，有創意又極好吃的麵包。買得多，和老闆娘（我們以為她是）混熟了，Yo竟膽粗粗問我們可否跟師傅學做麵包。師傅出來應酬我們，他不是不肯，而是地方不是他的，不太方便。師傅叫甚麼哥呢？忘了！
後來，這間bakery約滿關門，我們以後再也吃不到甚麼哥的麵包了。去年，Lamb說在銅鑼灣某舖見到一些很眼熟的麵包，甚麼哥原來在銅鑼灣繼續他的創意麵包呢！每次到銅鑼灣總忘了要找他光顧，星期五晚，Lamb就送上兩個恐龍蛋。
昨天，恐龍蛋配蓮姐奶茶（卿姐現在常在六樓，沒喝卿姐奶茶很久啦）。這是幾年後的第一次，上面有層像菠蘿包般的皮，裏面有芒果肉，好好味呀～
今天星期六，平時必睡死至中午，但為了吃另一個包，特地早起。今天這個是藍莓味的，吃完它，再一杯水果乳酪，配也是來自Lamb的fruit tea，極飽，極滿足！
謝謝Lamb送我甚麼哥的麵包，讓我過了兩段快樂的早餐時間，也喚起很多幾年前的回憶。
很懷念那三年回豬料館和你們混的日子，雖然收入不穩、前景不明（不代表現在明），但很快樂，是我人生中真正的long vacation。我時常想，那是上帝在我失意時送我的禮物。假如沒有那三年，我和老當、明欣、Pinky及搜集組的孫仔孫女肯定不是今天的關係（哈哈，究竟現在是甚麼關係呢？）。慶幸曾失意過，曾讓自己放個不事生產，卻極豐收的長假！
8 comments:
好麵包和好朋友,除了要講一點緣份以外,常常提著自己要懂得好好珍惜.要不是你們在我身邊,為我帶來那麼多的超低能勁搞笑的時光 (還記得Yo 的 chicken or beef 杯麵!),有些日子根本捱不過去...
十年過去了,又有另一個十年.那天在我的對面坐著一班年過五十的女士,排排坐等試做骨質測試,不禁copy and paste,笑了!
我也很懷念在館的日子, 還有永遠會在我最失意時候扶我一把的朋友 ... 那種對朋友的真誠, 不是在每個工作地方都可找到。
要好好真惜身邊的朋友呢！
d bread 一睇便自好好味！流晒口水!!...... 還有好好珍惜愛護你的人啊!
老肥:
那是寶哥。
前幾個月有一天，我行過CWB的麵包店，同店員講要找寶哥，她說他下班了。我想了一想，寫了一張小便條，請寶哥要繼續做好麵包，我想，他收到後，會很開心的。
在館的日子真是很難忘，但自己講過太多低能，無可能全部記得，好似杯麵事件就無印象，老麥，請你說說。
(好鐘意你打中文，肯定用多一倍時間唔止!)
還有，從我膽粗粗問人肯唔肯教我地整麵包所得到的啟發是，有時真係要大膽D去做自己想做的事，有D唔做真係會後悔的! (例如上年有次在灣仔再興燒臘見到張曼玉買叉燒 (真的!) 又無膽埋去請佢合照，到宜家仲後悔緊!)
騎呢YO
Yo & Lamb:
係呀係寶哥呀! 如果我係寶哥收到你張字條, 我會滾動到喊! 我下次又去留張字條畀佢先, 等佢知道佢無論去到邊都有幾個傻婆食住佢──d包!
十年又十年, 到下個十年的時候, 我地都應該仲係咁低能同咁無聊。到時兩個小林生同June B仲有TH都會嫌我地低能, 慘!
我記得chicken or beef杯麵喎! 當年captain team同editorial開通頂, 凌晨時分有個同事托住兩個杯麵扮空姐周圍巡問人要chicken or beef嘛! 真係超低能呀!
唔得! 突然諗起winnie the fu見到monty個樣, 我死啦! 救我呀~ 我今晚實笑死啦!
p.s. 老麥打中文, 我都覺得好滾動架~ 見張曼玉買叉燒真係好騎呢, 而我其實從來未諗過張曼玉係食叉燒的!!
Dor:
和你是最奇妙的! 第一次見你就是我的生日會, 去沙巴之後成為好朋友, 但其實一日同事也沒做過喎! 呢d咪就係緣份囉~
Waimei:
係呀d麵包真係好好味架, 你行過銅鑼灣都要支持下寶哥呀! 我下次帶你去買丫!
仲有, 嚴正聲明, 阿Yo你咪再咁夜仲上網啦下! 快d培養番早訓的習慣啦!!
你唔講都唔記得, 真係幾騎呢, 唔識你, 但又去你生日派對, 其我都係怪人 ...
好嘢!fating 帶我去買好味飽! yeah!
Post a Comment