「遲婚」四人幫

昨天和泳衣大籮晚飯，四人幫中的三姊妹（我們陰盛陽衰，總沒理由說是三兄弟吧籮籮哥哥！！）已經幾個月沒見面啦！看見泳衣仍是那樣的憨、大籮仍是那樣的賤，大家都沒變，我就放心了！

吃著飯吹著水，我提醒各位，今年是我們相識二十週年紀念了。

籮：我地幾月識架？
我：咪九月開學囉！
籮：咁你做咩唔提我地慶祝呀？！（姓賴的……）
我：我邊得閒呀！
籮：二十年即係咩禧呀？
我：唔知喎，我淨係知廿五年係銀禧咋喎！
籮：拿！到時搞大佢慶祝呀下！（「懶」豪氣……）

究竟二十年是甚麼禧呢？剛才心癢癢上網search「禧+20年」、「銀禧+25年」都找不到，再search「銀婚+25年」，有了，是「瓷婚20年」。原來今年是我們這幾件「遲婚」蛋散相識二十年的「瓷婚」紀念啊！

籮，祝你快ｄ搵到個唔黐（月利）筋，而你又肯畀電話佢ge女仔做籮嫂！
泳衣，祝你搵多ｄ儲多ｄ繼續接濟你身邊ge朋友，例如我！同埋快ｄ收番ｄ爛數！
貓，祝你快ｄ改過自新！
我，祝我唔識老！