Budweiser True Music古巨基勁歌．金曲演唱會早陣子掀起全城撲飛熱，身邊基迷為得靚飛，無所不用其極。到了第二次加場，權權請纓替我們買票，誰知連連告急，先是$200門票售罄，再來只剩13號日場，最後竟然是$400最後一行。眼見他晨早開始排隊，並忍受內急之苦兩句多鐘，正所謂身處外憂內患之境，怎能要他空手而回？於是，4張$400日場最後一行丫唔該！
日子一天天過去，好運的明欣竟然撲得11號晚第4行門票4張，還好運地讓出日場門票，我們雖然樂於改期，但念權權為那幾張飛捱盡辛酸，為免傷害他的弱小心靈，決定隱瞞下去。
日子又一天天地過去，上星期五欣賞了這場演唱會。看，多近！
好位難求，當然要盡盡朋友的義務，替超級小fan屎穎穎拍照。照片拍到了，演唱會又好看，回家立刻想在這裏寫幾隻字仔。突然，一把來自上頭的聲音響起：「唔得！唔可以俾權權知！！星期日先寫！！！」忙不迭將草稿毀滅。
今天，見到權權，他居然問：「尋日嘉賓係咪楊千嬅？」「係呀。」說謊真的需要勇氣。
正為今朝有睇娛樂版暗自高興，午飯時，June姨無啦啦問：「終於你地睇左邊場？」好運的明欣和Katherine面面相覷，我扮鎮靜話：「咪13號囉！」我答完了，但……
好運的明欣涎著臉說：「阿權，我一陣間會向你坦白。」
原來，上星期，權權已由一位不想透露身分的知情人士得到可靠消息，知道我們一舉一動。仲問我千嬅係咪嘉賓？衰仔！
Budweiser True Music古巨基勁歌．金曲演唱會後記
上星期想寫的，都幾乎忘記了。只記得，我想話古巨基好幸福。幸福的不只因為「我真係好鍾意唱歌」而又等左11年「真係開到演唱會」仲要「真係好多人都買唔到飛」導致「真係要加場再加場」更兼Parco「真係賺到笑」，而是，一個大人，能在仍然童心未泯的時候，有人幫自己把最鍾愛的玩具遊戲卡通人統統搬到身邊，和他／她／牠／它們互動交流，快快樂樂玩足咁多場，由小基兒，變成樂基兒了！
做大雄是太多人的夢想，他能做十幾晚大雄，仲坐在高達手上，「真係人人期望可達到」。我知，我羡慕埋晒ｄ無謂野，但真係一路睇，一路想同佢講：「你就好啦！」
1 comment:
罰得好應棍添啦！每當諗起自己斷正，就有被捉黃腳雞的感覺……好糗！！
Post a Comment