遇見Danny

認識 J 君是八年前的事，當年已經知道他是Danny的監製，卻從沒八卦過一句，久而久之就連要八卦也忘記了。今天再到他的錄音室，身份已經改變，只需開聲，不用再記掛著交帶甚麼甚麼（這已由娜氏來做，呵呵），事完後四處瞟，每事問，盡顯八卦本色，竟然發現了兩個藏著寶物的相框。




我：唔好意思呀，我有一個無聊的請求，我可唔可以影呢兩張唱片呢？
他：哦～哈哈哈，影啦，唔無聊。丫，你都識喎！
我：點解我從未見過呢兩款o既？
他：你唔會見到架，呢張（上方黑白那張）係派上台o既，呢張就只係第一批印
　　左picture disc，賣完就冇架啦。
我：哦～咁呢兩隻都係你監製架？
他：係呀，由「凝望」開始囉。
我：嘩，「凝望」好好聽呀！
他：係？好好聽呀？你都有聽過？二十年前啦喎！
我：（哇哈哈哈哈哈哈……）哦～我雖然細，但又唔係太～細，「凝望」o個陣
　　我都讀緊XX架啦！
　　（見他靜默了一會，然後點頭「嗯」了一聲）已經計到我幾大啦下嘛！
他：（尷尬一笑）唔係～
我：（指著藍色和紫色「Stand Up」大碟）呢隻我都有呀！
他：你o個隻咩色呀？（我正想開口）我搵左橙色好耐啦！
我：我就係橙色囉。
娜：咁你可以借畀 J 君喎！
我：但我搬屋時畀細佬掉左啦！
他：第日搵下鴨寮街可能會搵到架！
我：下次如果再上黎，要帶部好o的o既相機先得！

好開心！
原因一：突然覺得自己返回了讀XX的年代。
原因二：發現了一直存在而自己從沒留意過的美好事物，你說「hea」對人類有多
　　　　重要！