好痛好痛好痛，行又痛坐又痛訓又痛，連大力d呼吸都痛！
上星期，右肩甲骨已經開始赤赤痛，冇理佢，到左今日真係令我痛不欲生。本來打算搵個信得過的老字號做做推拿，但泳衣唔o係香港，想急call佢問地址都唔得。娜子叫我睇醫生根治痛症，但其實我已經連續四年，每年都要因為腰背痛而睇醫生，可見睇醫生唔係根治的良方。打算放工後衝去買排必理痛，但又怕藥效太慢，都係忍唔到，雖然醫生只能治標，但都要去搞搞佢。
醫生話我肌肉勞損（鬼唔知咩），當佢按正我的痛穴，真係想叫佢唔好放手，好可惜佢唔係按摩師……之後佢開左ｄ消炎藥同鬆肉粉（其實係鬆肌丸）我吃，食完就黎一個鐘，好似冇乜好轉。
阿婆在此忠告各位，無論如何要保持姿勢良好，否則後患無窮！！！！！！
4 comments:
靚妹,咁快就認阿婆?你未有耐呢!
保重,快d好番,其實我最近肩膊也經常很累與痛,如下次你去按摩,不如帶埋我去好嗎?
其實好多都市人都有呢個毛病, 我老公同老爺都經常頸膊痛, 亦曾經睇過醫生。但醫生只會話俾你聽, 係無得醫, 要靠你平時運動, 最多開d止痛藥過你頂住先。
我老爺惟有以游水醫治, 真係駛得, 仲瘦咗6磅。婆婆, 不如你都試吓啦。
哎！我都好痛呀。雙手手腕在最初抱晉仔的姿勢不正確，攪到手腕、手臂都赤赤痛。睇過醫生，只是叫我食止痛藥，沒有解決方法。除非，不用力……唉！難道不抱晉仔?
這些醫生解決不了的問題, 我還是用喱姐老爺的方法, 每個星期游水, 加上「權權拉筋法」, 希望可以永久根治! 各位朋友也要努力做運動呀!!
Post a Comment