開心返晒啦～啦～啦～啦～

尋日解開左一單就快纏死我的事，本來已經好好多，可以抖擻精神，重新做人。睇明欣個Blog，見到Ivan畀左個阿輝pin佢，先知原來呢期麥兜pin有隱藏版呢回事。突然記起前日買《Nonno》，OK姐姐畀左兩個pin我，今日先拆開，其中一個竟然係菇時！打電話畀明欣，先知隱藏版只佔全部pin的5%，好難抽到，我好好彩！

後來落街買野食，又o係信箱發現期待已久的支票，我同娜仔出糧啦！入票，經過
OK買本《JET》，想睇下自己係咪真係咁好彩，反正每期都買架啦。返屋企拆開膠袋，係May & June，係真好彩唔係假好彩！


雖然我都好鍾意，但冇儲野癮，既然明欣儲開，就送畀你啦！

感謝神逗我開心，雖然係訴諸迷信，但我真係覺得佢o係我身邊喎！只係兩個pin，就令我再次充滿鬥志，而家好有力量做野啦！

另外，多謝各位的關心，仲有老麥的email、Naomi同穎穎的電話、娜仔由事發到而家畀我ICQ轟炸、Tony唔怕熱都幫我搬屋……我永遠都記得呢種溫暖的感覺。

雖然會痺死，但我冒死都要講一講：其實幸運一早就o係身邊，神一早就畀左我，就係你地啦！