作品

今天老師send來考試作品。沒錯，這美女就是我的作品了！


這個很明顯是日妝吧。唏，可恨我沒執好那條飛了出來的頭髮！


這是晚妝沒錯，眼影用了銀灰+藍+粉紅，眉骨位其實還加了灰藍閃粉，可惜拍照後完全看不到了，原因大概如下。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
老師的評語：
說真的, 大家都化得好好, 粉底亦好貼薄~但要留意大部份咀唇色都搽吾夠,有幾個睇落好似完全無搽添!
同埋普遍日妝都化得好過晚妝, 日妝真係化得好清新, 好似個個皮膚都好好, 有光澤,但係又吾會油淋淋!相反晚妝的顏色不夠, 化出黎根本吾似晚妝, 只係有色一d既日妝~所以將來大家有機會再化時, 可以再重手少少,用色要大膽d.
其實係你地未化慣, 個日個d妝我肉眼睇都吾濃, 加埋打左閃光燈, 有時會減淡少少個妝,所以好多時都會聽人講: "影相妝吾同架, 要濃d"之不過, "閃燈減淡個妝"呢樣野都吾係一定架, 要睇下當時set咩光度, 如果攝影師故意減低光度來拍攝的話, 就會令到d妝既顏色深左, 咁如果你化左太濃妝, 有時會睇落去好似"濃"左添~~所以我地成日都會講, 化妝師同攝影師既溝通好重要架! ^^
最後就係時間控制方面, 你地真係要迫自己化得快d! 個日足足由七點搞到十一點幾! =.=!化兩咁咁簡單既妝同整頭, 平均要兩個鐘的話, 真在太過份, 不可以接受的!
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

好，我要多練點，要連晚妝都化得好好好好先得！！！

謝謝Carey肯讓我把照片post上來呀～～

完成

延綿四個月的十課基礎班終完了，感謝以下幾位好朋友捨身當model。

第三、四課
穎做了我兩課的白老鼠，還讓我在她的大日子替她化妝，很有啟蒙作用，謝謝你呀！


第六課
到沙膽的欣姐做我model，不禁想玩大些，就用我永世都不會買的刺眼黃加刺眼綠吧。那晚，她的眼皮像蚚蜴皮！謝謝欣姐！


第八課
第一次化妝連set頭，忙到呢～～ 至於model蘇，累得邊化邊睡也捱到我完成為止，夠義氣，謝你啊蘇！


第九課
第一次做晚妝和晚妝頭，老師著我們事前就想好髮式，我當然沒有，所以臨場全沒頭緒，但呢，梳呀梳，竟在毫無意識之下替ValVal梳了個穎結婚時她自己弄的髮髻！（當然穎弄得好太多太多）我不是有心抄襲的法官大人！ValVal不但獻身做model，還帶了很多私伙化妝品來供我享用！謝謝你！


第十課：考試
就是剛才的事吧了。要在兩個半小時內弄一個日妝+日妝頭和一個晚妝+晚妝頭，好趕好趕好趕。


這個日妝頭是我從網上抄考得來，原打算夾好辮子後把它弄鬈，但實在太趕，只得梳鬆了事。不過，自覺這個頭做得不錯，也很襯Carey。


日妝方面，我第二個完成，晚妝更是第一。好不幸，老師拍照後嫌我造的晚妝頭和Carey的裙子不相襯，要我將髮髻改弄在腦後。所以，我今晚其實是做了三個頭，而亦由原來的第一變成第尾。待得Carey給老師拍完照，我收拾好東西，替她落妝後，已經差不多十二時。謝謝Carey捱了這一整晚啊！

每次上課，我總是很專心，生活中任何不快也會因為自己的極度集中而給忘記淨盡。現在終於完了，很不捨得啊！

也謝謝老師一直以來的悉心教導，她真是悉心的，我絕對感覺到！謝謝！